Mat 22:34-40 | EweBEE | STEP | Ke esi Farisitɔwo se be Yesu de ga nu na Zadukitɔwo la woƒo wo ɖokui nu ƒu.

Matthew 22:34-40

Se lolotɔ la

(Marko 12:28-34; Luka 10:25-28)

34 Ke esi Farisitɔwo se be Yesu de ga nu na Zadukitɔwo la woƒo wo ɖokui nu ƒu. 35 Eye wodometɔ ɖeka, ame si nye sefiala gã aɖe la tee kpɔ hebia be, 36 “Nufiala, Se kae nye gãtɔ wu le Mose ƒe seawo dome?”

37 Yesu ɖo eŋu nɛ be, “Lɔ̃ Aƒetɔ wò Mawu la kple wò dzi blibo, wò luʋɔ blibo kpakple wò susu katã. 38 Esiae nye se gbãtɔ kple gãtɔ wu. 39 Esi gakplɔe ɖo lae nye be nalɔ̃ hawòvi abe ale si ko nèlɔ̃ wò ŋutɔ ɖokuiwò ene. 40 Wotu se bubuawo katã kple nyagblɔɖilawo ƒe nyawo ɖe se eve siawo dzi.”